Попладнево на една од плажите кај Каваја, во близина на Драч, Албанија, животот го загуби македонски државјанин.
Според информациите од албанската полиција, околу 19 часот 66-годишен маж од Македонија влегол во морето, но по кратко време му се слошило и доживеал срцев удар. Од ударот, мажот почнал да се дави, а присутните веднаш се обиделе да му помогнат.
На терен стигнала и екипа од итната помош, но за жал, лекарите само ја констатирале смртта.
Случајот е пријавен и надлежните служби работат на целосно расчистување на околностите.