Во вторникот, на 22 април 2025 година, околу 17:30 часот, на локалниот пат што ги поврзува селата Горњане и Блаце во скопскиот регион, се случи сообраќајна несреќа во која животот го загуби 46-годишниот Б.Ш. од село Желино, тетовско.
Товарно возило марка „Мерцедес“, со тетовски регистарски ознаки, управувано од починатиот, излетало од коловозот под засега неутврдени околности. Смртта на возачот ја констатирал лекар од Итната медицинска помош на самото место.
Случајот е пријавен во СВР Скопје, а увид извршиле полициска екипа и јавен обвинител. По нивна наредба, телото на загинатиот е предадено на обдукција, додека истрагата за причините за несреќата е во тек.