Владата донесе одлука сите државни институции да ги ослободат вработените во Кочани на денот на погребот на жртвите од трагедијата во дискотеката „Пулс“. Исто така, им препорача на локалната самоуправа и приватниот сектор да постапат на ист начин.
Во заклучоците од владината седница се наведува дека здравствените установи, образовните институции и градинките треба да продолжат со работа според потребите на граѓаните.
Министерството за внатрешни работи е задолжено да преземе соодветни безбедносни и сообраќајни мерки. За медиумите е подготвен протокол, според кој тие треба да останат на растојание од 300 метри од капелата, со цел да се заштити приватноста на семејствата и да се овозможи безбедно следење на погребот.