Полициски екипи утрово вршат претреси и приведуваат членови на криминална група од скопското село Грчец.
Надлежните потврдија дека во тек е акција и дека станува збор за членови на криминален клан од Грчец, поврзан со трговија со дрога и убиства.
Неофицијално претреси, се прават во Грчец, Дуќанџик и Чаир, како и на други локации.
Акцијата е во организација за гонење организиран криминал и корупција и соодветен дел на МВР, а детали се најавени по завршување на оперативните активности.