На плажата Литус Бич во Ситонија неодамна беше уловена необична риба, мурена, што предизвика големо внимание кај туристите и веднаш се прошири по социјалните мрежи.
Мурената припаѓа на групата коскени риби, поточно во поткласата зракоперки, а се вбројува во редот јагуловидни риби и во фамилијата мурени. Во светот се познати повеќе од сто различни видови.
.png)
Најчесто се среќаваат на корални гребени и долж стрмни карпести брегови во Атлантскиот, Индискиот и Тихиот океан, но исто така живеат и во Средоземното Море.
Оваа риба може да достигне должина од околу еден метар, иако некои примероци растат и до три метри и тежат речиси 100 килограми. Средоземната мурена се размножува во периодот од јули до септември, оставајќи ги јајцата да лебдат на површината на морето сè додека не се изведат.
Ларвите кои се изведуваат се мали, проѕирни и змиулести по изглед, а морските струи и бранови ги носат низ водата додека не пораснат.
