Во Скопје, според неофицијални извори, пред неколку дена започнала со работа јавна куќа во која се нудат сексуални услуги за пари. Истите извори тврдат дека во понудата има жени од Македонија, но и од странство - Колумбија, Бразил, Украина и Албанија.
На интернет се појави и каталог со слики од жените како и можност за закажување на термин. Цените се движат од околу 100 до 600 евра, во зависност од времетраењето на ангажманот.
Организирањето и посредувањето во проституција во Република Македонија е строго забрането и казниво според Кривичниот законик, со можност за високи парични и затворски казни.
И покрај сериозноста на случајот, досега нема реакција од Министерството за внатрешни работи ниту од другите надлежни институции. Граѓаните очекуваат истрага и официјално потврдување или демантирање на информациите.