Поранешниот премиер Зоран Заев, по повод седумгодишнината од потпишувањето на Договорот од Преспа, упати честитка до поранешниот грчки премиер Алексис Ципрас
„Во ова време на војни и хаотичен свет, сè повеќе сум среќен што успеавме да го постигнеме Преспанскиот договор, да изградиме трајно пријателство меѓу соседните земји Северна Македонија и Грција, но и да оставиме исклучително позитивна трага на Балканот, во Европа и во светот – дека договори можат да се постигнат по дипломатски пат, дури и за најтешките прашања меѓу државите“ порачал Заев. На овој ден во 2018 година, во местото Нивици беше потпишан Договорот помеѓу Македонија и Грција со што се стави крај на тридеценискиот спор меѓу двете држави.