Владица Миљковиќ, братот на пејачката Вики Миљковиќ, почина на 47-годишна возраст по кратко боледување од карцином. Живееше во Ниш, каде што успешно водеше приватен бизнис и беше голема поддршка за својата сестра.
Веста за неговото заминување ја потресе неговата фамилија, пријателите и колегите, кои со неверување се збогуваат со него.
„Почивај во мир, Влајко, и ти благодарам за насмевките,“ напиша еден од неговите блиски пријатели. Друг додаде: „Господ да ти ја прости душата, мој голем пријателе.“
Освен што беше успешен бизнисмен, Владица беше и многу талентиран музичар. Вики Миљковиќ повеќепати истакнала дека токму преку него ја открила и засакала музиката.