-Јас сум убедена дека не постои Македонец кој е среќен со промената на името, сите ние би сакале да остане нашето вековно име, но за жал реалноста е таа. Името е сменето и во самиот Устав е наведено кое е нашето име, и сега сметам дека ние сме должни да го користиме уставното име, а тоа е Република Северна Македонија, рече Кацарска, во гостување на ТВ Телма.
Во однос на изборот на нов претседател на Уставен изјави дека нема да предложи ниту еден кандидат, за тоа да не биде сфатено дека пренесува нечија порака.
-Да не помисли некој дека јас пренесувам нечија порака, дека некој ми кажал кого да предложам, или нешто слично. Знаете, секогаш нешто погрешно се толкува во јавноста, рече Кацарска во емисијата Топ тема на ТВ Телма.
Гласањето е тајно, вели претседателката на Уставниот суд, а за кого ќе гласа не може да каже. Кацарска кажа дека досега никој не и се јавил да лобира за никого.